బిగ్ బాస్ సీజన్-7 ఉల్టా పల్టా థీమ్ తో ప్రేక్షకులను ఎంతగానో అలరిస్తుంది‌. అయితే ఇందులో సీరియల్ బ్యాచ్ అయిన అమర్ దీప్, ప్రియాంక, శోభాశెట్టి గ్రూప్ గా ఆడుతున్న విషయం అందరికి తెలిసిందే.

ప్రస్తుతం శోభాశెట్టి ఎక్కడుంది? ఇదేం ప్రశ్న.. బిగ్ బాస్ హౌస్ లో అని అందరు అనుకోవచ్చు ‌ కానీ అది ఎంత వరకు కరెక్ట్. అదేంటంటే‌.. తాజాగ ఈటీవీలో 'అలీతో ఆల్ ఇన్ వన్' షో కి సంబంధించిన ప్రోమో రిలీజైంది. ఇందులో శోభాశెట్టితో పాటు చక్రవాకం ఫేమ్ ఇంద్రనీల్ కూడా గెస్ట్ లుగా వచ్చారు. ఇక ఈ ప్రోమో చూసిన నెటిజన్లు శోభాశెట్టి ఎలిమినేట్ అయి బయటకొచ్చిందా? డైరెక్ట్ ఈటీవీకి వెళ్ళిందా అంటు కామెంట్స్ చేస్తున్నారు. మరి శోభాశెట్టి నిజంగానే ఎలిమినేట్ అయిందా లేక టీఆర్పీ కోసం ఎప్పుడో షూట్ చేసిన ఎపిసోడ్ ని ఇప్పుడు రిలీజ్ చేస్తున్నారా అంటే.. అవుననే చెప్పాలి. ఎందుకంటే అలీతో జాలీగా అనే షో అప్పుడప్పుడో టెలికాస్ట్ చేసి టీఆర్పీ పెద్దగా రాకపోవడంతో అది ఆపేసారు‌. ఇప్పుడేమో అలీతొ ఆల్ ఇన్ వన్ అంటూ ఎప్పుడో షూట్ చేసిన ప్రోమోని వదిలారు. ఈ ప్రోమో చూసిన కొందరు.. శోభాశెట్టి ఎలిమినేట్ అయిందా.. అబ్బా ఎంత హ్యాపీగా ఉందో అంటూ కామెంట్లు చేస్తున్నారు.

అయితే బిగ్ బాస్ హౌస్ లో ప్రతీ దానికి గొడవలు పెట్టుకుంటూ మిగిలిన హౌఅ్ మేట్స్ మీదకి నోరేసుకొని పడిపోయే శోభాశెట్టి ఎలిమినేట్ అవ్వాలని గత నాలుగు వారాల నుండి ప్రేక్షకులు కోరుకుంటున్నారు. అందుకేనేమో నామినేషన్ లో ఉన్న శోభాశెట్టి కి అసలు ఓటింగ్ రావట్లేదు. దీంతో ఈ వారం శోభాశెట్టి ఎలిమినేషన్ ఖాయంగా అనిపిస్తుంది. మరి శోభాశెట్టి ఎలిమినేట్ అవుతుందా లేదా చూడాలి మరి.అయితే ఈటీవీలోని అలీతో ఆల్ ఇన్ వన్ ప్రోమోలో ఉన్న శోభాశెట్టిని చూసి‌ అందరు షాక్ అవుతున్నారు.